| being tagged :)
規則：當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。
1. 常常被人話係愛情至上既人, 我唔否認, 但依家自己學緊點去平衡生活各方面既野, 家人, 朋友, 學業, 唔想只係為愛情而活 2. 成日俾人話我個樣好COOL, 但係自己係勁驚得罪D唔識既人, 所以係唔識既人面前會盡量唔講野, 以免講多錯多 3. 表面睇落去好似好有自信, 但其實對自己無麥信心, 好驚犯錯 3. 對住熟既人會憚無忌彈一輪嘴咁講野, 諗到咩就講咩, 所以好多時會有意無意講左D 唔經大腦既野, 諗返先後悔.. 所以依家會盡量經一經大腦先, 因為唔想因為口快快而令到朋友仔唔開心 4. 好介意人地對自己既睇法, 聽到人地話自己唔好或者唔鐘意自己會好唔開心 5. 好鍾意HEA, 可以無聊到留係屋企幾日唔出街都生存到 6. 無麥毅力, 成日訂下目標, 但係往往三分鐘熱度, 虎頭蛇尾, 例如減肥 7. 好鍾意話肥榮, 次次見親佢都要互相攻擊 8. 好鍾意食野, 最鍾意食米線, 碗仔翅, 火鍋, 湯水, 可樂, 檸檬茶 9. 鍾意食辣野, 麻麻地好甜野, 好少食朱古力 10. 好鍾意同好朋友s及中同邱翠玲玩, 因為可以麥都講, 而唔驚佢地嬲 11. 至抵精明眼, 如果得閒逛惠康百佳, 會格左價先買 12. 對自己前景一片茫然, 係見步行步, 而唔係進攻積極型 13. 眼淺, 睇《命中注定我愛你》可以喊左成日, 第日返學對眼腫左 14. 成日話男仔外表唔重要, 但係靚仔有分加 15. 因為自己做人無麥目標, 所以好佩服D 我行我素, 好有自己一套既人, 會覺得佢地好勁, 好有方向, 知道自己想要D 麥 16. 一遇到壓力會走去訓覺, 以為訓完覺先有精神處理問題, 但係訓完都唔覺有助解決問題 如果唔係得16條, 我諗我會繼續寫落去, haha 等我又TAG人先! 肥蓮, KATY, TAMMY, 肥榮, FIONA, LING, SUKI, ELLE, JOHN, TOBY, GREEN BB, GAVIN, OTTO, EDITH MOK, JAY, ELLA AU, WENDY MOK  |
